梁思浩向来好敢言，日前他与苑琼丹和李日朗一同主持网上电台节目《大家真风骚》时，大爆有男艺人为了以形补形，生吞猫眼的骇人事件。梁思浩爆料后苑琼丹亦表示有所听闻，不过梁思浩就被网民指吹水唔抹嘴，冇证冇据又唔开男艺人名，话系梁思浩炒作居多。
梁思浩表示当年在《K-100》看到该名男艺人的访问，他提到自己会用一种补品令双眼炯炯有神，不过就以唔方便讲为由拒绝透露更多。在好奇心的驱使下，梁思浩曾询问无线的一个剧务，从他口中得知惊人事件，梁思浩说：有一次我睇咗个男艺人访问，睇完后我逢喺电视城见到渠，都会藐渠，贱格！嗰次《K-100》访问渠，有人话渠拍戏好醒神，佢话系呀，长期保住自己眼神，所以有啲嘢补下，但呢啲唔方便讲，佢话每次返国内拍戏，都叫剧组『咁样咁样』。当时佢冇好仔细讲，之后我问无线一个剧务，我话上次睇访问，有冇咁慨事，你知我钟意寻根究柢。唔系剧务话我知，我都唔相信呢个世界有人做呢样嘢﹗
梁思浩直斥该名男艺人手泠残忍非常贱格，李日朗亦大闹该男艺人正畜生。
梁思浩在社交网预告节目中有三级话题，原来就系男艺人生吞猫眼。
李日朗闻言问道：即系点？买狗肉食？苑琼丹即说：我知你话边个，渠有工具慨，买支竹然后削尖咗。梁思浩续说：渠每次返国内拍戏都叫剧务喺附近买猫仔、中猫，唔要大慨（猫）……渠有时搵竹，有时搵咖啡匙羹，买咗只猫返嚟，捏住个头挖只猫眼出嚟即食，成对（眼）食。我问过剧务，渠真系睇住佢咁做。梁思浩绘声绘影描述该男艺人非常变态残忍，李日朗听后抱头皱眉，忍不住破口大骂：正畜生！
梁思浩与苑琼丹都是性情中人，二人合作主持网上电台节目中不时爆料。
梁思浩与苑琼丹在行内好友众多，不过讲到当年吞猫眼的年老男艺人，二人都不值对方所为。
在旁的苑琼丹亦说：我哋同渠开工，大家话唔好瞓觉，一瞓醒就盲咗，好惊呀。苑琼丹表示很多人误信以形补形，她补充：渠生得忠厚外表，但有奇怪行为，佢唔系匙羹挖猫眼，系用支竹筒『队』猫眼然后食，渠自己话畀我听。
梁思浩回应传媒追问时，拒绝透露生吞猫眼艺人的身份，只强调希望大家不要再虐待动物，而且事件发生多年，这位艺人仍在生不过已非常年老。梁思浩言之凿凿却惹来网民狂轰，指他吹水冇句真，不过苑琼丹亦曾亲耳听闻，似系坚喎！
